Á síðasta ári skrifaði ég grein undir heitinu "Íslensk Ferðaþjónusta á Internetinu" sem fjallað var um möguleika ferðaþjónustu á Internetinu og hvaða leiðir hægt er að fara til að ná viðvarandi árangri á heimsvísu í gríðarlegu samkeppnisumhverfi. Við sem lifum og hrærumst í heimi Internetsins og markaðssetningar á Netinu vitum að þessir möguleikar eiga ekki bara við ferðaþjónustu, heldur líka í raun um allan útflutning og þjónustu, bæði þá sem stunduð er innanlands og þá sem flutt er út.
Fyrirtæki mitt Nordic eMarketing hefur komið að verkefnum fyrir þó nokkur fyrirtæki utan ferðaþjónustu. Í tveimur meðfylgjandi dæmum, þar sem um er að ræða hátækni- og matvælafyrirtæki sem vildu auka sjáanleika sinn á netinu kom ýmislegt í ljós.Hátæknifyrirtækið stækkaði tengslagrunn sinn vel yfir 200% á tveim árum og jók þannig sölu á vörum sínum töluvert, svo tugum milljóna skipti og matvælafyrirtækið náði feikilegum árangri í alþjóðlega samkeppni í sjáanleika á leitarvélum Internetsins og jók þannig, líkt og hátæknifyrirtækið, viðskipti sín til muna. Allt voru þetta aukin viðskiptatækifæri sem rekja mátti beint til Netsins.
Margir halda að markaðssetning á Internetinu sé eingöngu fýsileg þeim sem eru í "fyrirtæki til einstaklinga sölu" (B2C) en að "fyrirtæki til fyrirtæki" (B2B) lúti öðrum lögmálum, rökrétt en rangt. Nýlegar rannsóknir sína að mikilvægi leitarvéla eins og Google, Yahoo, MSN og ASK eykst með aukinni menntun leitenda og ef um B2B viðskipti er að ræða. Samkvæmt rannsóknum sem gerðar voru undir loka 2004 og árið 2005, kemur í ljós að hátt menntunarstig þess sem leitar eykur líkur á viðskiptum sem rekja má til leitarvéla og notkun þeirra skipar frekari sess í viðskiptatækifærum fyrirtækja á milli (B2B). Rannsóknirnar fól í sér athugun á hegðun einstaklinga við undirbúningi fyrir kaup og kaupferlinu sjálfu.
Þar kom m.a. í ljós að flestir leita og skanna, þ.e.a.s. leita, líta í fljótu bragði yfir niðurstöður og smella í lang flestum tilfellum áður en þeir klára yfirferðina á það sem þeim finnst áhugaverðast. Í sömu könnunum kom líka í ljós mikilvægi þess að vera sjáanlegur á aðalniðurstöðum leitarvéla (Organic), því 79% þátttakenda smellti á þær niðurstöðu frekar en þær keyptu (PPC/PPI), auk þess sem þeim er frekar treyst. Hvað varðar viðskipti fyrirtækja á milli (B2B) þá reyndust leitarvélar notaðar í 63,9% tilfella meðan vörumerkið sjálft var notað í 18,9% tilfella við ákvarðanatöku. Yfir 95% þeirra sem taka ákvarðanir um viðskipti á milli fyrirtækja (B2B) nota leitarvélar á einhverju stigi undirbúningsferlisins, sem undirstrikar enn frekar styrk leitarvéla í alþjóðlegir samkeppni.
Hvenær leitarvélar voru notaðar í ferlinu fór síðan eftir þekkingu kaupanda á vörunni. Sem dæmi notuðu yfir 30% leitarvélar á seinni stigum til að fá samanburð við vöru sem þeir þekktu eða höfðu fundið á meðan tæp 50% notaði þær strax í uppahafi vegna þess að þeir þekktu þarfir sínar eða höfðu fundið vöruna en vantaði samanburð til að undirbúa og/eða réttlæta kaupin. Rúm 12% vissu nákvæmlega í hverju fjárfestingin fólst en vildu finna hagstæðustu verð. Íslensk fyrirtæki hafa eins og fram kom í síðustu grein minni eftir töluverðu að slægja þegar Internetið er annarsvegar og geta á forsendum þekkingar einnar saman skotið alþjóðlegum stórfyrirtækjum ref fyrir rass og náð samkeppnisforskoti á því markaðssvæði sem sumir vilja kalla áttundu heimsálfuna.
Mig langar að enda þessa grein á svipuðum nótum og ég gerði síðast því líkt og með ferðaþjónustu getum fellt heilu skógana til að gefa út allskyns rit og bæklinga, flogið fram og aftur um allan heiminn til að rápa um risastór sýningarsvæði eða skála í kokteilveislum.
Þó svo að það sé oft nauðsynlegt er árangurinn af slíku starfi aldrei nema broti af því sem Netið getur fært okkur með réttu átaki. Um leið og við finnum vaxandi mátt Internetsins og nýtum okkur krafta þess, náum við firnasterkri stöðu í alþjóðasamkeppni þar sem stærðin skiptir ekki máli, heldur að þekkingin.
Kristján Már Hauksson
Internet Markaðsfræðingur
kristjanmar (at) NordiceMarketing.is